தென்னா டுடைய சிவனே போற்றி -

எந்நாட்டவர்க்கும் இறைவா போற்றி!

சீரார் பெருந்துறையும் தேவனடி போற்றி -

ஆராத இன்பம் அருளும் மலை போற்றி!

ஆடக மதுரை அரசே போற்றி -

கூடல் இலங்கு குருமணி போற்றி!

ஏகம்பத்துறை எந்தாய் போற்றி -

பாகம் பெண்ணுரு ஆனாய் போற்றி!

பராய்த்துறை மேவிய பரனே போற்றி -

சிராப்பள்ளி மேவிய சிவனே போற்றி!

அண்ணாமலையம் அண்ணா போற்றி -

கண்ணார் அமுதக் கடலே போற்றி!

ஈங்கோய் மலையெம் எந்தாய் போற்றி -

பாங்கார் பழனத் தழகா போற்றி!

ஆரூர் அமர்ந்த அரசே போற்றி -

சீரார் திருவையாறா போற்றி!

காவாய் கனகத் திரளே போற்றி -

கயிலை மலையானே போற்றி! போற்றி!!

குவளைக் கண்ணி கூறன் காண்க -

அவளும் தானும் உடனே காண்க!

சிற்சபேசா! சிதம்பரேசா!! (தீபாராதனை)

பூழியர்கோன் வெப்பொழித்த புகலியர்கோன் கழல்போற்றி

ஆழிமிசைக் கன்மிதப்பில் அணைந்தபிரான் அடிபோற்றி

வாழிதிருநாவலூர் வன்றொண்டர் பதம்போற்றி

ஊழிமலி திருவாதவூரார் திருத்தாள் போற்றி.