குருந்தின் கீழன்று இருந்த கொள்கையும்

பட்ட மங்கையில் பாங்காய் இருந்தங்கு

அட்டமா சித்தி அருளிய அதுவும்

வேடுவனாகி வேண்டுருக் கொண்டு

காடது தன்னில் கரந்த கள்ளமும்

மெய்க்காட்டிட்டு வேண்டுருக் கொண்டு

தக்கானொருவன் ஆகிய தன்மையும்

ஓரியூரில் உகந்து இனிது அருளிப்

பாரிரும் பாலகன் ஆகிய பரிசும்

பாண்டூர் தன்னில் ஈண்ட இருந்தும்

தேவூர்த் தென்பால் திகழ்தரு தீவில்

கோஆர் கோலம் கொண்ட கொள்கையும்

தேனமர் சோலைத் திருவாரூரில்

ஞானம் தன்னை நல்கிய நன்மையும்

இடைமருது அதனில் ஈண்ட இருந்து

படிமப் பாதம் வைத்த அப்பரிசும்

ஏகம்பத்தில் இயல்பாய் இருந்து

பாகம் பெண்ணோடு ஆயின பரிசும்

திருவாஞ்சியத்தில் சீர்பெற இருந்து

மருவார் குழலியொடு மகிழ்ந்த வண்ணமும்