விளக்கவுரை : பேரானந்தம் தன்னையே பெருவெள்ளமாக அடியவர்களுக்கு அருளியும், தன் உடலின் இடப்பாகத்தை உமாதேவியாருக்கு வழங்கிய கருணையாளன் சிவபெருமான். பிரணவம் என்னும் முரசு முழங்கவும், அடியார்களின் உள்ளம் குற்றப்படாமல் ஆண்டருள் செய்பவன். சூலாயுதத்தைத் தன் கையில் ஏந்தி அருள் செய்தும்.

சொற்பொருள் : மாது – உமாதேவியார். மாப்பெருங் கருணையன் – பெருங் கருணையாளன். உரிச்சால் தொடர். நாதம் – பிரணவம். கறங்கவும் – ஒலிக்கவும். கழுக்கடை – சூலாயுதம்.

விளக்கவுரை : பிறவி என்னும் பெரு நோய்க்குக் காரணமாகிய ஆணவம், கன்மம், மாயை என்னும் மூன்று அழுக்குகளையும் அழுக்கின்றி பரிசுத்தத் திருமேனியின் ஒளியைப் பாய்ச்சுகின்ற சுடரொளி போன்றவன் சிவபெருமான். செங்கழுநீர் மலர்மாலையில் பற்றுடையவனாகி, அதனை அழகாக அணிந்தும், திருமாலும் நான்முகனும் அளவிட்டு அறிய முடியாதவன்.

சொற்பொருள் : மும்மலம் – மூன்று அழுக்குகள். அவையாவன: 1. ஆணவம், 2. கன்மம், 3. மாயை என்பன. ஏலுடைத்தாக – பொருத்தமுடையதாக.