ஒருங்கிய சாயல் நெருங்கியுள் மதர்த்துக்

கச்சற நிமிர்ந்து கதிர்த்து முன்பணைத்து

எய்த்திடை வருந்த எழுந்து புடைபரந்து

ஈர்க்கிடை போகா இளமுலை மாதர்தம்

கூர்த்த நயனக் கொள்ளையிற் பிழைத்தும்

பித்த வுலகர் பெருந்துறைப் பரப்பினுள்

மத்தக் களிறெனும் அவாவிடைப் பிழைத்தும்

கல்வி யென்னும் பல்கடற் பிழைத்தும்

செல்வ மென்னும் அல்லலிற் பிழைத்தும்

நல்குர வென்னுந் தொல்விடம் பிழைத்தும்

புல்வரம் பாய பலதுறை பிழைத்தும்

தெய்வ மென்பதோர் சித்தமுண் டாகி

முனிவி லாததோர் பொருளது கருதலும்

ஆறு கோடி மாயா சத்திகள்

வேறு வேறுதம் மாயைகள் தொடங்கின

ஆத்த மானார் அயலவர் கூடி

நாத்திகம் பேசி நாத்தழும் பேறினர்

சுற்ற மென்னுந் தொல்பசுக் குழாங்கள்

பற்றி யழைத்துப் பதறினர் பெருகவும்

விரத மேபர மாகவே தியரும்