கயிலை காக்கும் சிவபெருமானின், அகத்தை காப்பதை முதன்மைத் தொழிலாகக் கொண்டு நம்குரு மரபிற்கெல்லாம் முதல் குருவான தலைவனே, தாமரை தாள்களின் வாசனை பொருந்திய படைகளையுடைய எம்மையான சிவபெருமானை தாங்கும் நந்தியெம்பருமானை போற்றி வணங்குகின்றோம்.

நந்தி மகாத்மியம் - திருமூலர் திருமந்திரம்

பெறுதற்கரிய பேறுகளைப் பெற்றுத் தரக்கூடிய பிரதோஷ வழிபாடு

சிறப்பான இந்நன்னாளில் பொதுவான நந்தி பாடல்கள், போற்றிகளை படிப்பதை விட நந்தியம்பெருமானையே குருவாகக் கொண்டு வேதங்கள் ஆகமங்களின் உட்பொருளை உபதேசமாகப் பெற்று உயர்வுக்கும் உயர்வான சைவ சாராம்ச பொக்கிஷமாம் திருமந்திரம் அருளிய திருமூல தேவநாயனாரின் சக்தி மிகுந்த மந்திரங்களை படித்து வழிபடுவதால், அளப்பரிய நன்மைகளை அனைவரும் பெறலாம்.

திருமந்திரத்தின் அருமை பெருமைகளை அறிந்து அதை படித்தால், சைவர் அதாவது, தமிழர்களாகிய நம்வாழ்வு வானளாவ உயரும். நந்தியம்பெருமான் நமக்கு அருள வேண்டும் என்று கருதியதால், அவன் அருளாலே அவன் தாள் வணங்குதற்கு ஏதுவாக திருமூலர் அருளிய 3000 மந்திரங்கள் வெளிப்பட்டு, தற்போது அவற்றுள் சில தங்கள் கைகளில் வந்துள்ளது.

ஒவ்வொன்றும் சக்தி வாய்ந்த மந்திரம் என்பதை உணர்ந்து இதை ஒவ்வொரு பிரதோஷமும் ஓதி நந்தியம்பெருமானிடம் தாங்கள் வைக்கும் அனைத்து நியாயமான கோரிக்கைகளும் விரைவில் நிறைவேறும்.